رغم التاكيد على ما سبق ذكره من اسباب التدوين
ولكن اسباب اخرى كان لها عامل
- كنت بتغاظ جدا لما يقعدوا يتكلموا عن المعارك الدامية بين مدوننين من امثال بيسو وارمن والصارم الحاسم
- انا خلصت سادسة طب وبقيت فاضى و صايع لحد الامتياز التى هى فترة اهم سماتها الفراغ خصوصا بالنسبة لطالب دحيح ذى
- علشان اطلع مخزون الكراهية اللى اتجمع جوايا من امتحانات الشفوى التى تكون احيانا احدى دوافع التشرد الاطفالى والعمليات الانتحارية ضد اهداف قصر عينينية على راسها مستشفى الباطنة
- الاقى حد اتكلم معاه عن الفن التشكيلى والادب ومافيش مانع من قلة الادب على اساس ان احتمالية انك تلاقيه فى القصر العينى شبه منعدم فى ظل سياسة الكلية احفظ اكتر فرصتك فى التعيين تكتر
- واخيرا ان الايد البطالة نجسة
هو انتوا بتجيبوا في سيرتي
ReplyDelete؟
:))
بس يا قهلا يا درش...ومبروك التخرج والتفوق
هي بقت كده
ReplyDeleteاعرف المدونه من الواد محمود ومتقوليش
ماشي
مبروك علينا دخولك عالم الخناقات
فمرحباً
بمالك الحزين في وسطنا
هههه... يا اهلا يا اهلا
ReplyDeleteمنور الفضاء الافتراضي و مبروك النتيجة
:)))
ملحوظة..يا ريت تلغي الverification word و متبقاش غلس.. الانسان مش ناقص شلل
الف مبروك على المدونة
ReplyDeleteنفسى نعمل اتحاد لمدونى جمهورية امبابة العظمى
وماله
ReplyDeleteاحسن ناس الخناقات
ربنا يكتب لي اخش الامتياز انا كمان واطلع العقد بتاعت الشفوي
مبروك الافراج